Новата ѕвезда на Торонто, Каваи Ленард, на промоцијата во новиот клуб не сакаше да одговори на прашањето дали во Канада ќе остане повеќе од една година.
Ленард сакаше да оди во Лос Анџелес, во Клиперс или во Лејкерс, но беше во исклучително лоши односи со претходниот клуб, Сан Антонио, па Спарс решија да го разменат во Торонто.
„Одиме ден по ден. Мојот фокус е на оваа сезона, на групата момци кои се тука. Сакаме да се бориме за титулата. Ако гледаш премногу во иднината можеше да се заплеткаш во сегашноста. Сакам да направам големи работи, ќе давам се од себе секоја вечер“ – изјави Ленард.
Тој веќе имал разговори со претседателот на клубот и со новиот тренер и објасни дека имаат исти цели за сезоната.
Торонто во минатата сезона имаше биланс од 59 победи и 23 порази. Беше елиминиран во второто коло од плејофот од Кливленд.
Kawhi Leonard is laughing during his press conference!! ?
(via @TSN_Sports)pic.twitter.com/hyxbZ99PH7
— Yahoo Sports NBA (@YahooSportsNBA) September 24, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
