Поранешниот играч за врска на Баерн, Леон Горецка, пронајде нов клуб. Станува збор за освојувачот на Лигата на Европа од минатата сезона, Астон Вила, пренесува новинарот Матео Морето.
Сега 31-годишниот германски репрезентативец, кој е слободен играч, веќе разговарал со менаџерот на клубот од Бирмингем и постигнат е устен договор за потпишување соработка.
Астон Вила планира следната недела да спроведе лекарски прегледи и да го ангажира Горецка.
Играчот за врска помина осум години во Баерн, одигра 327 натпревари и постигна 54 гола за Баварците, со кои седум пати ја освои титулата во Германија, како и три домашни купа и една Лига на шампиони. Сепак, неговиот договор со гигантот од Минхен истече ова лето и не беше продолжен.
Во текот на летото, Горецка се поврзуваше со трансфер во италијанските гиганти Јувентус и Милан, но на крајот не успеа да постигне договор со нив. Сепак, Германецот ќе има можност да настапува во Лигата на шампионите со својот нов клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
