Поранешниот македонски репрезентативец Леонард Жута е пред заминување од редовите на хрватскиот прволигаш Ријека.
Жута е пред можност за трансфер во јануарскиот преоден рок, на што не би се противеле и од раководството на Ријека со оглед на тоа дека договорот му истекува на крајот од сезоната. Па хрватскиот тим сега би имал можност и за заработка од неговата преселба во нова фудбалска средина.
Како што пренесуваат хрватските медиуми, доколку Жута замине од клубот во јануари стручниот штаб веќе има „пикирано“ и негова замена во името на Јан Лецјакс од Локомотива. Според информациите интерес за 26-годишниот Жута има од неколку шведски прволигаши. Жута во 2015 година токму од шведски Хакен се пресели во редовите на Ријека.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
