Иако има договор на уште две години, Роберт Левандовски на лето би можел да ја напушти Барселона. Наводно каталонскиот клуб сака да се откаже од Полјакот, и да му даде шанса на младиот Витор Роке.
Левандовски стигна во Барселона летото 2022 година од Баерн Минхен за 45 милиони евра, а минатата сезона беше еден од најзаслужните за трофејот во Ла Лига. Меѓутоа во оваа сезона е далеку од неговта најдобра голгетерска форма. Често се наоѓа на мета на критики, а сега извесно е негово заминување во друг клуб.
Шпанските медиуми откриваат дека многу лесно може да се случи Левандовски да замине во Мадрид, и тоа во тимот на Атлетико кој е заинтересиран за неговите услуги. Иако можеби ќе делува шокантно, сепак, нема да биде прв трансфер меѓу овие два тима. Во последните неколку години многу често се случувало играчи да настапуваат и за двата тима. Последен пример е Жоао Феликс кој од Атлетико отиде во Барселона.
Претходно за двата тима играа Гризман, Туран, Давид Виља, Луис Суарез…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА