Лина Ѓорческа продолжува со доминантните настапи на ИТФ-турнирот во Хераклион, каде најдобрата македонска тенисерка без многу проблеми обезбеди пласман во полуфиналето.
Ѓорческа за противничка денеска ја имаше Софија Рокети, 20-годишна Италијанка која немаше никакви шанси во дуелот со Македонката. Лина почна импресивно и го доби првиот сет со убедливи 6-1, за во вториот рутински да слави со 6-4, за нов триумф на овој турнир.
Нејзина противничка во полуфиналето ќе биде шестата носителка, Романката Булгару, која денеска во четвртфиналето славеше со 6-1, 7-5 над Матула од Грција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА