Играчот за врска на Манчестер Јунајтед и Англија, Џеси Лингард го прослави голот против Андора во стилот на Кристијано Роналдо.
Офанзивниот играч на тој начин посака добредојде на Португалецот, кој повторно се враќа во својот дом – „Олд Трафорд“. Роналдо треба да дебитира во дресот на „црвените ѓаволи“ на 11 септември против Њукасл.
„Мејсон Маунт и јас размислувавме како да ги прославиме можните голови. Решив да ја променам мојата стандардна прослава. Ова е мал подарок за добредојде на Роналдо. Сигурен сум дека ќе се навикне многу брзо и ќе му помогне на тимот оваа сезона“, изјави Лингард, кој се врати во Јунајтед по одличните изданија на позајмица во Вест Хем.
Англија ја победи Андора со 4-0 со двата гола на Лингард и по еден на Хари Кејн и Букајо Саке.
„Секогаш е убаво да се постигнува гол за својата земја. Ваквите моменти не се забораваат. Секако, моите соиграчи ми помогнаа во тоа“, додаде Лингард.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
