Европскиот првак Ливерпул утрово тргна на пат за Катар, каде ќе се обиде на клупскиот Мундијал ќе се обиде да ги обедини светската и европската фудбалска круна.
Јирген Клоп се соочуваше со проблеми во пресрет на ова натпреварување, па по Фабињо и Матип, од комбинација за настап отпадна и Дејан Ловрен. Хрватскиот дефанзивец се повреди на мечот од ЛШ против Салцбург, па воопшто не се најде на списокот на патници за Катар. Добра вест за Клоп е што зелено светло доби Вајналдум, чија повреда од вчерашниот меч со Ватфорд по се изгледа не е премногу сериозна.
Младите Харви Елиот и Рајан Брустер, кои се најдоа на поширокиот список на Ливерпул, останаа дома и ќе бидат предводници на Ливерпул во четвртфиналето од лига-купот против Астон Вила, меч на кој „црвените“ ќе настапат со својот младински тим. Се очекува Елиот и Брустер по одигрувањето на оваа средба да отпатуваат за Катар.
Ливерпул во полуфиналето од клупското СП ќе се сретне со мексиканскиот претставник Монтереј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА