Луис Суарез го очекува подолга пауза од терените по повредата што уругвајскиот напаѓач ја заработи за време на дуелот со Атлетико Мадрид, во Супер-купот на Шпанија. Каталонскиот гигант ја потврди информацијата за повредата на својот напаѓач, како и дека хируршкиот зафат врз Суарез ќе го изврши Др. Рамон Кугат.
Каталонците најавија дека ќе се јават со ново соопштение по завршувањето на операцијата, но веќе е јасно дека Суарез во блиска иднина нема да може да го облече дресот на Барселона. Среќна околност е што проблемот е со менискусот, а не со лигаментите на коленото, но во секој случај паузата ќе изнесува најмалку до почетокот на месец март.
Ова значи дека Суарез ќе пропушти неколку важни натпревари од Примера Дивизион, како и првиот натпревар од осминафиналето во ЛШ, на гостински терен против Наполи на 25 февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА