Најинтересниот натпревар од првиот ден на Евробаскетот и припадна на Словенија која славеше против Литванија со 92-85 во Келн. Словенија беше подобриот противник во поголемиот дел од натпреварот, но и покрај тоа што го контролираше резултатот не успеавше да направи значајна разлика.
Литванија подобро ја започна последната четвртина и успеа да стигне до +5 (73-78), но тогаш на сцена настапи Лука Дончиќ. Словенецот кој беше добро чуван од Литванците во текот не целиот натпревар не форсираше, туку ги разигра своите соиграчи кога беше најпотребно, направи предност, а Чанчар и Тоби знаеја да ги искористат „зицерите“. Словенија на крилја на асот на Далас стигна кој беше одличен и во одбраната целосен пресврт и позитива седум поени во завршницата кои беа преголем залак за Литванците.
Со 24 поени и 8 скока лидер на Словенија беше Тоби, додека него го следеа Драгиќ со 19 поени и Дончиќ со дабл-дабл од 14 поени и 10 асистнеции. Кузминскас беше најрасположен кај Литванија со 19 поени, а еден помалку постигна Григонис.
🎩 Luka Magic has arrived to #EuroBasket to defend Slovenia's crown 👑
14 PTS | 10 REB | 6 REB | 3 STL in another epic battle between 2 European powerhouses 🇸🇮🇱🇹! pic.twitter.com/2uoG3LyRjv
— #EuroBasket 2022 (@EuroBasket) September 1, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
