Кајри Ирвинг го одигра својот најдобар меч сезонава во победата на неговиот Бруклин Нетс на гостувањето кај Шарлот Хорнетс со 121-132.
Одличниот бек-шутер натпреварот го заврши со 50 поени, што е убдливо најдобро достигнување за него сезонава. Кај поразените по 30 поени постигнаа Мајлс Бриџис и Тери Розиер.
Голден Стејт Вориорс се врати на победите откако синоќа на домашен терен го доби Лос Анџелес Клиперс со 112-97. Џонатан Каминга изненадувачки со 21 поен беше најефикасен кај победникот, додека кај поразените Николас Батум уфрли 17 поени.
Во останатите мечеви од синоќешната понуда: Индијана – Кливленд 124-127, Орландо – Феникс 99-102, Мемфис – Њу Орлеанс 132-111 и Оклахома – Милвоки 115-142.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
