Мајами поведе со 2-1 во финалната серија од Источната конференција против Бостон откако на гостински терен славеше со 103-109. Тимот од Флорида одигра одлична одбрана со која стигна до 19 украдени топки и постави нов франшизен рекорд.
Добрата игра во првата четвртина им донесе на гостите предност од 18-39, а истата беше задржана и до крајот и покрај тоа што домаќините во последните десет минути успеаја да ја намалат негативата на само шест поени.
Џејлен Браун беше лидер на Бостон со 40 поени и 9 скока, додека Ал Хорфорд додаде дабл-дабл од 20 поени и 14 скока. Со 31 поен, 10 скока и 6 асистенции мечот го заврши Бем Адебајо, а 17 поени и 7 скока додаде Пи-Џеј Такер.
Brought the clamps with us to Boston. Franchise playoff record of 19 steals. pic.twitter.com/TDFtNCmYGz
— Miami HEAT (@MiamiHEAT) May 22, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА