Кошаркарите на Макаби Тел Авив кои домашните натпревари во Евролигата оваа сезона ги играат во Белград се вратија назад во Израел за натпреварот против Хапоел Халон во домашното првенство, а со оглед на нападот на Иран над Израел постоеше голема неизвесност дали ќе можат повторно да допатуваат во главниот град на Србија каде ги очекува плеј-ин натпревар од Евролигата против Басконија.
Небото над Израел беше затворено на подолго време што предизвика вистински проблем за Макаби Тел Авив и воедно за Евролигата, но од денеска истото е повторно отворено и аеродромот „Бен Гурион“ продолжи со работа со што е отворен и патот до главниот град на Србија.
Натпреварот помеѓу Макаби Тел Авив и Басконија ќе биде одигран во вторник со почеток од 19 часот во салата „Александар Николиќ“ и ќе биде историски со оглед на тоа што најсилното кошаркарско натпреварување во Европа за прв пат го применува плеј-ин системот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
