Македонија Ѓорче Петров официјално ги промовираше првите две засилувања за пролетниот дел од шампионатот.
Повратник во клубот е крилниот офанзивец Филип Петров кој доаѓа од редовите на велешки Борец, а претходно во кариерата има настапи и за Вардар, Тетекс, Пелистер а има настапи и за српскиот прволигаш Јавор Ивањица.
Второто засилување е бугарскиот дефанзивец Мартин Ковачев кој доаѓа од Дунав Русе, а претходно има настапи и за битолски Пелистер каде соработуваше токму со актуелниот шеф на стручен штаб на Македонија ЃП, Наџи Шенсои.
„Дојдов за успех, не само да помине сезоната. Целите на клубот се јасни, се освен Европа ќе биде неуспех!“ – истакна Ковачев по промоцијата во дресот на „лавовите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
