Македонија трета година по ред ќе игра финале во Европската лига, но овојпат „спартанците“ ќе влезат во битката за златото осоколени по фантастичниот пресврт на полуфиналниот дуел со Данска. Во првите два сета Данците целосно доминираа, но оваа скандинавска селекција очигледно не ја научи лекцијата – Македонците никогаш не се предаваат.
Нашите одбојкари ги чекаа своите пет минути за да влезат во ритам, а кога го сторија тоа, веќе немаше запирање. Се редеа поени од сервис, напад, блок… додека домаќините во шок следеа како финалето им бега низ раце.
Вечерва победи срцето и карактерот на Македонците, кои покажаа дека не смеат да бидат отпишани ниту по два очајни сета и негатива од 0-2. А кога ќе се прикаже игра каква во финишот, јасно е дека златото е поблизу од било кога досега.
[new_royalslider id=”706″]
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
