Веспрем тргна моќно во новата сезона од Лигата на шампионите, откако во првото коло славеше убедливо над Мотор со 40-28. Украинците претходно славеа над Вардар во СЕХА-лигата и сонуваа за сличен подвиг на стартот од ЛШ, но настрадаа против актуелниот вицешампион на Европа.
Мотор солидно парираше се до завршницата на првото полувреме, кога Веспрем успеа да се одлепи и на одмор да замине со водство од 17-13. Избраниците на Давид Дејвис одиграа импресивно во вториот дел, постигнаа дури 23 погодоци и на крајот стигнаа до двоцифрна победа.
Дејвис продолжи со ротирање на екипата, па Манасков доби шанса во второто полувреме и одигра одличен меч, постигнувајќи пет погодоци без ниедно промашување. Најефикасни во екипата на Веспрем беа Тонесен и Гајиќ со по шест гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
