Манчестер Јунајтед најверојатно ќе биде приморан да го продаде Пол Погба во летниот трансфер период за сума од 50 милиони евра. Главен кандидат за неговиот потпис е Реал Мадрид, но тимот од „Сантијаго Бернабеу“ не сака да издвои повеќе од оваа сума за францускиот ас.
Погба од минатиот септември за „црвените-ѓаволи“ одигра само 71 минута поради повредата на десниот скочен зглоб, а се уште не е познато кога ќе се врати на терените. Прашање е дали тој воопшто ќе се појави во тимот до крајот на сезоната.
Од клубот имаат опција да го продолжат договорот на Погба за уште 12 месеци, но прашање е дали тоа ќе се случи бидејќи Французинот не е задоволен од престојот на „Олд Трафорд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА