Манчестер Јунајтед и Алехандро Гарначо веќе постигнаа договор за нов договор. Според британските медиуми, договорот ќе биде на пет години, а се очекува платата на 18-годишникот да биде многу повисока од сегашните 7.000 фунти неделно што ги добива. Остануваат да се дефинираат само некои ситни детали во врска со договорот.
Гарначо стана важна фигура на теренот под водство на Ерик тен Хаг, а оваа сезона тој веќе забележа 25 настапи во сите натпреварувања, постигнувајќи три гола и додавајќи четири асистенции. Неговиот добар настап брзо го привлече вниманието на клубови како Реал Мадрид, Пари Сен Жермен и Баерн Минхен.
Тоа го поттикна раководството на Јунајтед да ги почне разговорите за нов договор. Минатиот месец се појавија информации дека двете страни не можат да се договорат, бидејќи сакале младиот Аргентинец да потпише осумгодишен договор на „Олд Трафорд“, додека неговите агенти инсистирале на четиригодишен договор. На крајот се чини дека е најден компромис во петгодишниот договор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
