Манчестер Јунајтед е во преговори со Џеси Лингард за нов договор, со кој одличниот фудбалер од офанзивната линија ќе се обврзе со клубот од „Олд Трафорд“ до 2023 година. Одличните партии во последно време и победите против Тотенхем и Манчестер Сити во Премиер-лигата, беа доволни раководството на клубот да се реши на потег со кој ќе го задржи репрезентативецот на Англија во следните четири години.
Лингард потекнува од младинската школа на „црвените ѓаволи“, а досега за клубот од „Олд Трафорд“ запиша 124 натпревари на кои постигна 17 гола. Од трофеите тој досега се закити со Лига купот, ФА купот, Комјунити шилд и Лигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
