Селекторот на италијанската репрезентација, Роберто Манчини смета дека одложувањето на Европското првенство е предност за Италија.
„Разочарувачки е што нема да се игра Европското првенство, но во исто време мислам дека тоа би можела да биде наша мала предност затоа што сме млад тим, и една година плус искуство би ни била добредојдена“ – вели Манчини, дополнувајќи дека Италија е кандидат за трофеј.
„Мислам дека ќе бидеме меѓу селекциите кои се способни да го освојат првенството. Не сакам да им поставувам правила на играчите, не е во ред да се ограничуваат нивните способности“.
Манчини се надева дека пандемијата на коронавирусот ќе го научи човештвото на некои лекции…
„Ова не научи и на многу нешта на кои претходно не размислувавме. Може да бидеме најмоќни, најбогати, најзгодни, но кога ќе дојде невидливиот непријател како болеста, тоа едноставно ве руши и не одбира никого. Се надевам дека луѓето ќе станат попристојни и наскоро ќе се вратиме на уживањето. По ова секогаш ќе мора да ја памтиме работата на здравствените работници. Лесно е да се фалат само сега“ – вели Манчини.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
