Мата: Ван Гал понекогаш плачеше пред нас

Фудбалерот на Манчестер Јунајтед Хуан Мата се потсети на времето кога во екипата стигна холандскиот тренер Луј Ван Гал. Мата во Јунајтед пристигна во јануари 2014 година, а само три месеци подоцна на клупата седна искусниот стратег.

„Пријатен човек, многу автентичен и сензибилен. Понекогаш покажуваше ранливост и плачеше кога зборуваше за некои работи. Кога се сретнавме прв пат ми кажа да му раскажам нешто за себе. Се викам Хуан имам 26 години и играм фудбал. А, тој ми кажа, не не. Кажи ми каква личност си. Дали имаш семејство и што е важно за тебе во животот“, изјави Мата. 

Ван Гал во Јунајтед остана две години, а во 2016 година го освои ФА купот. Тоа беше последен клуб кој го водеше во кариерата.

Се вчитува...