Најдобриот тенисер на сите времиња Новак Ѓоковиќ уште еднаш покажа дека никогаш не смее да биде отпишан. Тој денеска стигна до 32 победа во низа на турнирот во Пекинг и се пласираше во полуфиналето.
Во четвртфиналето Србинот направи изненадување славејќи против тенисерот со најдобра форма во моментов Александер Зверев со 2-1, по сетови 4-6, 6-4 и 6-4. Во полуфиналето тој ќе игра со Данил Медведев, а токму Русинот имаше интересен коментар за својот ривал и пријател.
„Имам одиграно многу такви мечеви; нема да бидам премногу возбуден ниту под голем стрес. Секогаш е забавно да се игра против овие момци. Новак е луд, стар е да не се лажеме, но сепак може да игра одлично. Можеби малку послабо отколку кога освојуваше по три гранд-слем титули годишно, но сепак е многу тежок противник“, рече Медведев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
