Мелсунген ќе биде значително ослабен за утрешната пресметка со Вардар во рамките од последното коло од првата групна фаза од Лигата на Шампионите.
Германскиот тим полета од аеродромот во Дортмунд и веќе пристигна во Скопје, но на списокот на Парондо нема тројца важни првотимци на Мелсунген.
Десниот бек, Даини Криштопанс, поради повреда нема да може да настапи против својот поранешен клуб, а Парондо на располагање ќе го нема ниту Николај Ендерлеит. Покрај овие двајца, Мелсунген ќе мора да се снаоѓа и без Давид Мандиќ, хрватскиот крилен ракометар кој има значајна улога и во одбранбената зона на Парондо.
Добра вест за утрешниот ривал на „вардарци“ е што барем Адријан Шипош ќе биде во тимот, лидерот на одбраната го пропушти последниот дуел од Бундес-лигата против Балинген, но се најде на списокот на патници за Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
