Наспроти проблемите со повредите, Лионел Меси се појави на синоќешниот натпревар на Барселона во Лигата на шампионите и одигра добар меч во триумфот против Интер.
По мечот Аргентинецот се осврна на нешто полошите изданија на Барса во новата сезона, објаснувајќи ги причините за тоа…
„Кога премногу патувате тогаш и не тренирате најдобро. Во предсезоната многу патувавме. Бевме во Јапонија, па се вративме во Шпанија, а потоа и во САД. Но, полека се адаптираме… Ова не е никаква критика за клубот, знам дека таа е реалноста и дека така работат големите екипи“ – истакна Меси.
Барса сега сака да ја продолжи низата победи и во првенството…
„Победивме на два важни натпревари. На добар пат сме, но имавме тешки моменти. Влеговме преспоро во сезоната. Ова не се изговори, но реалност… Во иднина ќе биде многу подобро“ – вели Меси.
Каталонскиот тим следниот натпревар во Лигата на шампионите го игра против Славија Прага.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
