Ракометарите на Металург триумфираа над Бутел со резултат 30-26 во контролниот натпревар што вечерва го одиграа двата скопски ракометни клубови.
Иако тренерот Брестовац не можеше да смета на Словенецот Шпенде, како и на Лазаревски, „металурзите“ сепак успеаја да стигнат до триумф над градскиот ривал. Бутел одигра одлично во поголемиот дел од првото полувреме, имаше и предност од 8-13, за на одмор да замине со два гола предност (14-16). Избраниците на тренерот Котевски немаа сили да го издржат темпото, па Металург во вториот дел направи пресврт и стигна до победата.
Токиќ со пет гола беше најефикасен во победничкиот тим, пред Танкоски, Димитриоски и Шилегов со по четири погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА