Ракометарките на францускиот Мец го освоија третото место на Ф4 турнирот во женската Лига на шампиони, откако во малото финале во арената во Будимпешта славеа над Есбјерг со 26-32.
Французинките одиграа неверојатно прво полувреме во кое успеаја да постигнат дури осумнаесет гола и на пауза да заминат со огромни плус шест 12-18. Во второто полувреме данскиот тим заигра далеку подобро, но најмногу што успеа е да стигне на само минус два (18-20). Следуваше нова серија на гостинките кои повторно се одлепија и успеаја сигурно да го приведат мечот до самиот крај (26-32).
Грејс Заади со 7 гола беше најефикасна во победничкиот табор, додека кај поразените не беа доволни ниту 10 погодоци на најдобрата на мечот Рејстад.
Финалниот меч во кој ќе се сретнат Ѓер и Кристијансанд е закажан за во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
