Милан по голема битка успеа да слави на гостувањето во Парма со 1-3, меч на кој „росонерите“ триесетина минути одиграа со фудбалер помалку по исклучувањето на Златан Ибрахимовиќ.
Фаворитот делуваше доминантно во првото полувреме, Ребиќ го отвори резултатот на асистенција на Ибрахимовиќ, а пред да се замине на одмор Кеси зголеми на 0-2. И наместо вториот дел да биде рутина, Ибрахимовиќ поради приговор кон судијата заработи директен црвен картон оставајќи го својот тим на цедило.
Парма веднаш успеа да намали на 1-2, но домаќините немаа сили за целосен камбек, иако создадоа неколку полушанси за постигнување и на втор гол. Печат на мечот стави Леао, кој стрелаше прецизно во 95. минута на асистенција на Дало, акција на двајца играчи кои влегоа во игра во второто полувреме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА