Милан е вториот патник во полуфиналето на Копа Италија откако вечерва во четвртфиналето го прегази Лацио на домашен терен со 4-0. Рафаел Леао во 24. минута донесе водство од 1-0 за „росонерите“. До крајот на првиот дел веќе беше 3-0 со двата гола на францускиот интернационалец Оливие Жиру во 41. и 46. минута.
Во вториот дел конечните 4-0 ги постави Френк Кеси во 79. минута. Во полуфиналето Милан за противник ќе го има градскиот ривал Интер кој минатиот викенд го доби во Серија А со 1-2.
Останатите четвртфинални парови ги сочинуваат: Аталанта – Фиорентина и Јувентус – Сасуоло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
