Манчестер јунајтед заостанува многу зад градскиот ривал Сити во трката за шампионската титула во Премиер – лигата, а менаџерот Жозр Мурињо тоа го оправдува со „малиот буџет“ што го имал за нови засилувања во споредба со Пеп Гвардиола. Португалецот со сите сили се бори да издејствува неколку нови засилувања и за овој зимски преоден рок. Една од неговите желби е крилниот играч на ПСЖ, Лукаш Моура.
Мурињо посакува Лукаш да дојде како позајмен играч до крајот на сезоната, со опција неговиот договор потоа да биде откупен целосно од клубот од „Олд трафорд“. Бразилецот нема голема минутажа во Пари Сен Жермен и е еден од фудбалерите кои се планирани за заминување, па неговата преселба во Англија е реална. Останува Јунајтед да ги утврди деталите околу позајмицата, како и висината на отштетата за комплетен трансфер што би се случил по завршувањето на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
