Менаџерот на Тотенхем, Жозе Мурињо, ја објави трансфер – листата на Тотенхем за зимскиот преоден рок. Тој нема да смета на тројца фудбалери од актуелниот состав кои за одредена отштета ќе можат да го напуштат лондонскиот клуб.
Данецот Кристијан Ериксен подолг период најавуваше заминување, на лето му истекува договорот, па Тотенхем сака да го продаде во јануари. Најзаинтересирани се Реал Мадрид и Манчестер Јунајтед.
Покрај Ериксен, дозвола за заминување имаат и играчот за врска Виктор Ванијама и левиот бек Дени Роуз.
Тотенхем ја продолжи соработката со белгискиот интернационалец Тоби Алдерверелд до 2023 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
