Менаџерот на Тотенхем, Жозе Мурињо, очекува Герет Бејл да му помогне на тимот во отсуство на Хари Кејн. Извонредниот напаѓач се повреди на мечот со Ливерпул, па сега е принуден на пауза од неколку недели.
Мурињо кој често го оставаше Герет на клупа, сега бара помош од него, а ова несомнено ќе биде и голема шанса за репрезентативецот на Велс, кој по долго време ќе има прилика да покаже дека формата е минлива, но класта е вечна.
„Не можете да замените некои играчи во тимот. Другата работа е кога ќе ви се случи неколку играчи да бидат повредени истовремено, проблем каков што имавме минатата сезона. Но Хари е Хари “, рече Мурињо.
Новинарите беа заинтересирани дали Бејл може да го надомести отсуството на Кејн.
„Ова е важен момент за него, тој се чувствува подобро и подобро. Кога ќе изгубите играч како Хари, тогаш очекувате другите да се истакнат. Се надевам дека Герет ќе ни помогне. Позицијата на која тој сака да игра е позицијата во која ќе биде на теренот“, заклучи Мурињо.
Тимот на „Спарс“ во моментов е шести на табелата со осум бода помалку од водечкиот Манчестер Сити. Следен предизвик за Жозе и неговите играчи ќе биде Брајтон. Овој натпревар е на програмата во недела од 20:15 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
