Кошаркарите на МЗТ Скопје ја продолжија победничката серија во првата кошаркарска лига, откако вечерва на домашен терен го совладаа немоќниот ФМП, 77-58.
Домаќините не дозволија никакво изненадување, уште во првата четвртина ја наметнаа својата игра, неутрализирајќи го противникот за 24-12. Во вториот период, кошаркарите на МЗТ рутински ја сочуваа големата предност, па без поголема мака го добија со 17-12.
Доминацијата продолжи во третиот и четвртиот период. МЗТ во целост го проби тактичкиот концепт на ФМП, па во еден момент направи серија и од плус триесет поени разлика, која донесе нова убедлива победа во низа.
Димитар Пандев со 12 и Андреј Магдевски со 11 поени беа најпрецизни во победничкиот состав, додека кај гостите се истакнаа Габриел Кокоски со 14 и Димитар Иванов со 11 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
