На крајот на летниот преоден рок Челси би можел да држи три трансфери рекорди. „Сините“ го имаат најспакиот голман во историјата по трансферот на Кепа Аризабалага, неодамна и најскапиот бек по ангажирањето на Марк Кукуреља, а доколку сакаат да го доведат Весли Фофана на „Стемфорд Бриџ“ ќе мораат да го срушат и рекордот кој го држи Хари Мегваер, пренесуваат англиските медиуми.
Лестер настојува да го задржи 21-годишникот, а за таа цел веќе беа одбиени две понуди од Челси. Сепак ни лондонскиот тим кој остана без посакуваните Аке, Кунде и Кимпембе не се откажува од намерите да го доведе младиот Французин во своите редови и да го внесе во долгорочните планови па наскоро се очекува рекордна понуда.
Од трансферот на Хари Мегваер во Манчестер Јунајтед, Лестер заработи 87 милиони евра, а понудата на Челси се очекува да биде над 90 милиони. Доколку „лисицте“ одолеат и на оваа понуда како алтернатива се јавува ѕвездата во подем на Вулверхемптон, Макс Килман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
