Кошаркарот на Оклахома сити тандер, Шеј Гилџс-Александер, потврди дека инвестирал дел од својот голем капитал во мадридски Атлетико.
Канаѓанецот го избра Мадрид бидејќи, како што изјави, се поистоветува со вредностите на шпанскиот клуб амбиција, извонредност и верување дека секој резултат може да се постигне преку напорна работа.
„Возбуден сум што официјално се приклучувам кон групата акционери на Атлетико Мадрид. Тоа е клуб со долга историја во врвот на европскиот фудбал и благодарен сум за можноста да бидам дел од неговата иднина“, изјави минатогодишниот МВП.
Висината на неговиот удел во мадридскиот клуб не е обелоденета. Со ова, Шеј го продолжи трендот на НБА-кошаркари кои го инвестираат својот капитал во фудбалски клубови, главно европски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
