Вчерашната победа на Јунајтед од 1-2 против Сити во манчестерското дерби мина во сенка на однесувањето на навивачите на „граѓаните“.
Фудбалерот од средниот ред на Јунајтед, Фред беше погоден со тврди предмети кога се обидуваше да изведе корнер, а за време на мечот постојано ‘трпеше’ и расистички навреди. Веднаш по завршувањето на мечот Сити се појави со соопштение преку кое се огради од однесувањето на одреден број свои навивачи и во соработка со локалната полиција најави дека веќе работи на нивна идентификација.
Од раководството на Манчестер сити истакнаа дека на навивачите кои расистички го навредуваа Фред доживотно ќе им биде забранет влез на „Етихад“.
Во близина седеше и една повозрасна госпоѓа која кога виде што се случува и како се однесуваат пооделни навивачи го зеде синот за рака и го изнесе од стадион.
По натпреварот и менаџерот на Јунајтед, Оле Гунар Солксјер истакна дека сите оние кои го навредуваа Фред повеќе не треба да гледаат фудбал на стадионите ширум светот.
#ManchesterDerby can’t wait to hear the ambassador of anti racism defend the home fans that were monkey chanting Fred pic.twitter.com/DxReRaqjvG
— MisterTee (@NewForesteer) December 7, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
