Наполи се соочува со сериозна криза на почетокот од 2021 година, откако на серијата повреди се надоврзаа и бројни случи на коронавирус, кои создаваат главоболка кај стручниот штаб на чело со тренерот Лучијано Спалети.
„Наполитанците“ на 6 јануари ги очекува големото дерби со Јувентус, за кое Спалети во моментов има на располагање само 11 здрави фудбалери. Кулибали, Ангуиса и Оунас заминаа на Купот на Африкански Нации, додека позитивни на коронавирус во последните три дена беа Осимен, Елмас, Лозано, Петања и Малкуит.
Ако на ова се додаде дека Марио Руи ќе го пропушти дербито поради суспензија, јасно е дека Спалети ќе има проблеми да „скрпи“ тим и ќе мора да ризикува со Инсиње и Фабијан Руиз од првата минута, иако двајцата неодамна го победија коронавирусот и не се максимално подготвени за да минат 90 минути на терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
