Кошаркарите на Атланта Хокс на свој паркет ги совладаа Голден Стејт Вориорс со 121-110 и покрај тоа што ја немаа помошта од српскиот кошаркар Богдан Богдановиќ.
Богдановиќ одигра одлично во претходниот период и на последните четири натпревари во кои беше на теренот двапати запиша плус 30 поени. Но, пред мечот со Вориорс, Србинот повторно се пожалил на болки во десното колено, кое често му прави проблеми, па поради тоа и лекарскиот тим одлучил да го изостави од тимот.
Сепак, тоа не и пречеше на Атланта да ги совлада Вориорс во својата „Стејт Фарм Арена“, во чии редови блесна Клеј Томпсон со 37 поени и девет тројки од 16 обиди.
Атланта ја доби клучната предност во вториот и третиот период, што подоцна и обезбеди помирна завршница. Тре Јанг беше најдобар во таборот на Хокс со 33 поени и 15 асистенции.
Останати натпревари:
Шарлот Хорнетс – Јута Џез 107:101
Детроит Пистонс – Вашингтон Визардс 97:100
Мајами Хит – Њујорк Никс 103:111
Минесота Тимбервулфс – Далас Маверикс 95:116
Портланд Трејлблејзерс – Хјустон Рокетс 106:125
ЛА Клиперс – Филаделфија 76ерс 97:122
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА