Кошаркарите на Далас синоќа го победија тимот од Оклахома со 95-86 и стигнаа до својот втор триумф во низа во најсилната кошаркарска лига во светот НБА.
Тим Хардавеј и Маркус Крис постигнаа по 15 поени во победата на својот тим, додека Крис забележа седум скока, а извонредниот Лука Дончиќ се врати во голем стил со дабл-дабл (14 поени и 10 асистенции, и плус девет скока).
Дончиќ ги пропушти претходните 10 натпревари поради повреда и влегување во изолација, поради коронавирусот, па ова беше неговиот најдолг одмор во НБА.
Тимот на Бостон обезбеди победа по продолженијата, откако триумфираше над Орландо со 116-111. Најефикасен во домашниот тим беше Џамал Браун со 50 поени и 11 скокови, неверојатна игра со која запиша нов рекорд во својата клупска кариера.
Од останатите натпревари Лос Анџелес Лејкерс ја победи Минесота со 108-103 на домашен терен. Сакраменто новата година ја започна триумфално против Мајами со 115-113, додека тимот на Феникс издвои сигурна победа над Шарлот со 133-99.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА