Во четвртиот натпревар од првото коло на Источната конференција на НБА плејофот, Мајами како гостин ја совлада Атланта со 110-86 и поведе со 3-1 во серијата.
На Запад, Њу Орлеанс беше подобар дома од Феникс 118-103 и израмни на 2-2.
Мајами направи голем чекор кон пласманот во конференциското полуфинале. Ретко кој тим низ историјата успеал да направи пресврт во серијата кога губел со 3-1, а впечаток е дека оваа Атланта сега едноставно не може да го направи тоа. Едноставно, Мајами е подобар тим и треба да се случи вистинско чудо доколку не се најде меѓу четирите клубови на Истокот, а првата шанса ќе ја има на петтиот меч кој се игра на Флорида.
Домаќинот почна подобро. Богдан Богдановиќ и соиграчите дури во втората четвртина стигнаа и до +8 (37-29), по што следеше серија на Мајами од 15-0 што ја промени динамиката на натпреварот. На полувремето гостите заминаа со 14 поени разлика (55-41), а до крајот на мечот освен во неколку наврати не ја испуштија двоцифрената предност која изнесуваше максимални 26 поени разлика (95-69).
Кај победникот Џими Батлер мечот го заврши со дабл-дабл учинок од 36 поени и 10 скока, Адебајо и Такер имаа по 14 поени. Од домаќините, Хантер беше најефикасен со 24 поени, Нокс постигна 12,. На овој двобој потрфрлија Тре Јанг со девет и Богдан Богдановиќ со четири поени.
#HEATWin final – Miami 110, Atlanta 86
🔥 Butler: 36pts, 10rebs, 4asts & 4stls
🔥 Tucker: 14pts, 8rebs & 3asts
🔥 Adebayo: 14pts & 8rebs
🔥 Strus: 12pts (4 3s), 5rebs & 3asts
🔥 Vincent: 11pts (3 3s), 4asts & 3rebs pic.twitter.com/O17awGNBZb— Miami HEAT (@MiamiHEAT) April 25, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА