Мохамед Салах се наоѓа во фантастична форма која во досегашниот дел од сезоната ја одбележа со 17 постигнати погодоци од кои 10 во англиското првенство на девет одиграни средби и седум во Лигата на Шампионите на само три. Притоа репрезентативецот на Египет и пет пати асистираше до своите соиграчи.
За фантастичната форма на Салах говореше и неговиот соиграч Адријан кој вели дека не ја познава работната етика на Лео Меси и Кристијано Роналдо, но за Египјанецот знае дека нема слободен ден.
„Не знам што прават Меси и Роналдо, но знам колку е посветен Мо. Тој работи напорно и никогаш нема слободен ден. Постојано е на тренинг или на рехабилитација. Па дури и неколку часа по натпревар. Среќата не е заслужна за неговиот учинок туку неговата посветеност. Неверојатен е и го заслужи тоа што му се случува. Тој е еден од најскромните луѓе кои ги знам“, изјави шпанскиот голман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
