Лина Ѓорческа остана без трофејот во дубл на ВТА 125 турнирот што се одржуваше во Љубљана, откако македонската тенисерка заедно со Швајцарката Тајхман во големото финале загубија од Бранкачо и Горман со 1-2 во сетови.
Во првиот сет се водеше голема битка што Ѓорческа и Тајхман ја добија со 7-5, но нашата тенисерка и нејзината дубл-партнерка најубавата шанса ја пропуштија при 5-4 во вториот сет, кога не искористија и меч топка. Ривалките се вратија и го добија сетот со 5-7, како најава за возбудливата завршница во решавачкиот сет.
Во него Ѓорческа и Тајхман, која го играше и сингл-финалето, како да загубија здив, па Бранкачо и Горман славеа со 7-10 и се закитија со трофејот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
