Четрнаесеттото коло од Првата кошаркарска лига ќе биде комплетирано денеска во СЦ „Јане Сандански“ од 20 часот со вечното дерби помеѓу МЗТ Скопје и Работнички. „Сино-белите“ во овој натпревар влегуваат во одлична атмосфера по победата против Цедевита Олимпија во АБА лигата, додека „црвено-белите“ ќе бараат излез од кризниот период и серијата порази.
Тренерот на МЗТ Скопје, Драган Николиќ очекува добар натпревар на теренот, но и амбиент на трибините кој беше претпознатлив за средбите на „вечните“ во минатото.
„Имав можност да проследам едно историско финале и знам што значи тоа дерби. Работнички го има мојот поранешен играч Малешевиќ, како и плејмејкерот кој мојот агент до доведе тука како големо засилување за тимот. Се случуваат и позитивни промени во клубот со кој во следниот период ќе биде тој кој беше, а од друга страна ние на терен не сакаме да биде така. Тоа е јасно како ден. Очекувам добар натпревар. Тие се повеќе одморени од нас, последниот натпревар го имаа во среда. Имаат и добри домашни играчи, тој младиот многу ми се допаѓа. Нема да го именувам бидејќи не е педагошки кога ќе го кажеш името на младиот играч, но јасно е на кого алудирам. Има и еден од Феникс кој уште повеќе ми се допаѓа. Вечно дерби не може да се прогнозира, но се надевам дека и едните и другите на теренот, и сите кои ќе дојдат на натпреварот ќе направат амбиент да изгледа блиску до тоа што го паметам“, изјави Николиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА