Фудбалерот на Ливерпул, Тиаго Алкантара ќе ги пропушти следните два натпревари поради повреда на листот што ја заработи на натпреварот против Кристал Палас во Премиер лигата.
Шпанскиот фудбалер е на прегледи, а поради повреда сигурно ќе го пропушти натпреварот во Лига купот против Норич во вторник и натпреварот против Брентфорд в сабота во шампионатот, објави денеска „Скај“.
Алкантара се повреди во саботата за време на натпреварот на „Енфилд“, кој неговиот тим го доби со 3-0. Трент Александар-Арнолд и Роберто Фирмино исто така ќе го пропуштат натпреварот во вторник. Александар-Арнолд е болен, а Фирмино, кој ги пропушти претходните три натпревари, има проблеми со повреда на тетивата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
