Манчестер јунајтед во последното коло пред репрезентативната пауза успеа да се задоволи само со реми против Евертон, успевајќи во еден тежок натпревар да одигра 1-1 на домашен терен.
„Црвените ѓаволи“ овој дуел го стартуваа без првата ѕвезда во тимот Кристијано Роналдо, но и без Пол Погба, фудбалери кои Оле Гунар Соллскјер реши да ги одмори. Во првиот дел фудбалерите и на двете страни понудија одлична и динамична игра, шанси се редеа пред голот на гостите, како и пред голот на Де Хеа, но без успешна реализација. Сепак, тогаш кога сите помислија дека на полувреме ќе се замине со 0-0, на сцена стапи „диригентот“ Бруно Фернандеш, кој прими одлична топка и асистираше на Ентони Марсијал, кој успеа да ја затресе мрежата и да донесе минимално водство од 1-0 по првите 45 минути игра.
На почетокот од второто полувреме следуваа брзи замени кај Јунајтед, па на задоволство на публиката влегоа Кристијано Роналдо и Џејдон Санчо, но по само неколку минути од нивното влегување во игра следуваше брза контра за Евертон, па гостите преку Андрос Таунсенд успеаа да израмнат на 1-1.
До крајот на натпреварот следуваше голема тензија, фудбалерите на Солскјер никако не можеа да се составот, а пред 90-та минута дури и дозволија да примаат гол, но за нивна среќа ВАР одлучи дека е офсајд, па конечниот резултат на овој двобој остана 1-1.
Тимот од Манчестер по ова реми има 14 бода и се наоѓа на втората позиција во Премиер лигата, но нивните главните конкуренти допрва треба да ги одиграат натпреварите од 7-то коло. Евертон е веднаш за Јунајтед со ист број на освоени поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
