Битолскиот ракометен клуб Пелистер доживеа дебакл на гостувањето кај Зајечар во првиот натпревар од двомечот во Челинџ купот. Битолчанки беа декласирани од српскиот тим со 50-20.
Уште во првото полувреме домашната екипа ја покажа разликата во квалитет, дозволувајќи му на нашиот тим само седум гола, а резултатот на семафорот по 30. минути изнесуваше 26-7.
Во вториот дел продолжи доминацијата на српскиот тим за конечен триумф од 50-20. Јана Милошевиќ со 12 и Јована Богојевиќ со 9 гола беа најдобри поединци во победничкиот табор, додека кај битолчанки Моника Талевска го заврши мечот со шест гола.
Реваншот од 1/16 финалето во Челинџ купот на програмата е утре.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
