Нова фузија во мак-фудбалот: Се обединија Детонит Јуниор и Плачковица

Фудбалскиот клуб Плачковица и фудбалскиот клуб Детонит Јуниор, се обединија во еден клуб кој во иднина ќе го носи името Детонит Плачковица.

Според соопштението од Детонит, целта е да се формира еден силен фудбалски клуб во Радовиш.

„Има неколку причини за ова од кои едната е постоечката спортска инфраструктура. Имено, Градскиот стадион во Радовиш, кој веќе статусно е регулиран, за жал нема доволен капацитет за да можат да тренираат и се натпреваруваат повеќе клубови и повеќе детски школи, што реално би значело негово оштетување и немање можност за одржување на натпревари.  Втората причина е немањето можности за финансирање на повеќе спортски клубови кои би сакале да тренираат и да се натпреваруваат квалитетно и да котираат високо во своите соодветни лиги. Од тие причини, се одлучивме за еден – ама вреден фудбалски клуб, со обезбедена финансиска поддршка, со сериозна управа, сериозен стручен штаб и пред се – квалитетен фудбалски состав од кој очекуваме професионалност, квалитетен фудбал и високи успеси во системот на натпреварување.