Бекот на Хјустон Рокс, Џон Вол, ќе го пропушти остатокот од сезоната поради повреда на задната ложа, објави генералниот директор, Рафаел Стоун.
Деталните прегледи утврдија дека Вол ќе биде надвор од терените најмалку три недели, што значи дека нема да го гледаме повеќе оваа сезона, бидејќи Хјустон е без шанси да се пласира во плејофот на Западот.
Петкратниот играч на „Ол стар“ има просек од 20,6 поени и 6,9 асистенции откако пристигна во Тексас минатото лето. Неговите добри игри, сепак, не одат заедно со резултатите на тимот, па Хјустон во моментов е најлошиот тим во лигата со резултат 15-46.
За потсетување, Вол исто така имаше големи проблеми со повредите за време на неговата кариера во Вашингтон визардс. Тој отсуствуваше година и пол поради повреда на Ахиловата тетива.
John Wall will miss the rest of the season due to a hamstring injury, per @ShamsCharania pic.twitter.com/huzPvCXrG2
— Bleacher Report (@BleacherReport) April 26, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
