Фудбалерите на Уругвај и Зеленортските острови одиграа нерешено 222 во второто коло од Групата Х на Светското првенство.
По освоениот бод против Шпанија, африканската селекција стигна до уште еден одличен резултат на Мундијалот, и ја продолжи серијата без пораз на пет натпревари (три победи и две нерешени), додека двократниот светски шампион повторно разочара.
Уругвај прво се закани преку Федерико Валверде, но она што следеше беше момент за историјата на Капе Верде. Во 18. минута, Кевин Ленини изведе фантастичен слободен удар од голема далечина и го матираше Фернандо Муслера за првиот гол на оваа репрезентација во историјата на завршните турнири на Светското првенство.
Шокираните Уругвајци успеаја да го свртат резултатот до моментот кога се замина на одмор. Прво, Максимилијано Араухо израмни по големата мешаница во шеснаесетникот, а во судиското продолжение од првото полувреме, Агустин Канобио постигна гол за 2-1 по асистенција од истиот играч.
Сепак, тимот на Марсело Биелса не можеше да го задржи водството. На почетокот на второто полувреме следеше голема грешка на уругвајската одбрана. Матијас Оливеира ја загуби топката во опасен дел од теренот, што Хелио Варела го искористи. Напаѓачот на Капе Верде рутински погоди во празна мрежа за 2-2.
— OvoOno (@OvoOnoX) June 21, 2026
Иако Уругвај се обиде да победи до крајот, Зеленортските острови спаси бод кој може да биде одлучувачки во борбата за место во осминафиналето.
Во последното коло од групната фаза, Капе Верде ќе игра против Саудиска Арабија и ќе има реална шанса да освои историски премин, додека Уругвај го очекува тежок дуел со Шпанија во натпревар кој може да ја одлучи нивната судбина на Светското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
