Европскиот првак Словенија и еден од најголемите фаворити за златото, загуби од БИХ во денешниот натпревар во групата „Б“. Словенците важеа за огромни фаворити, на крајот го доживеаја првиот пораз и тоа пред се поради опуштањето во втората и третата четвртина и одличната партија на кошаркарите на БИХ.
Првиот период го добија Словенците со шест разлика, и кога се чинеше дека ја имаат контролата, БИХ полека се враќаше, па во втората четвртина стигаа до „егал“, а во третата и до водство. Сепак, и Словенија беше во игра па во последната четвртина заминаа со еден поен предност.
Во четвртиот период БИХ со поголема желба стигна до водство во еден момент и до пет разлика, но Словенија успеа некако да се врати, па мечот влезе во драматична завршница.
На пет секунди до крајот Босанците имаа водство од два разлика и слободни фрлања, кои ги реализираа и стигнаа до победа од 93-97.
Робертсон беше најдобар стрелец со 23 поени, додека Дончиќ застана на 16 поени.
Ова е втора сензација за денешниот ден, откако претходно Белгија ја совлада Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА