НБА лигата рано утрово ги објави имињата на преостанатите 14 кошаркари, кои беа избрани како резерви за претстојниот олстар натпревар што на 19 февруари ќе биде одигран во Солт Лејк Сити.
Навивачите, кошаркарите и медиумите ги избраа стартерите, но затоа НБА-тренерите вообичаено се задолжени за изборот на резервните кошаркари на олстар-дуелите. За овогодинешното издание, мечот на сите ѕвезди ќе го пропуштат асови како Ентони Дејвис, Џејмс Харден и Каваи Ленард, кои поради повреди беа отсутни подолг период, па не беа избрани за овој кошаркарски спектакл.
Листата на резерви во Источната конференција ја предводи центарот на Филаделфија, Џоел Ембид. Покрај него, дел од овој спектакуларен меч ќе бидат и ДеРозан од Чикаго, Браун од Бостон, Адебајо од Мајами, Холидеј од Милвоки, Рендл од Њујорк и Халибуртон од Индијана, за кого ова ќе биде премиерен олстар меч во кариерата.
На спротивната страна, во тимот на Западот ќе има тројца дебитанти, и тоа Александер од Оклахома Сити, Џерен Џексон од Мемфис и Финецот Лаури Марканен од Јута. Покрај нив, место меѓу резервите обезџбедија и Пол Џорџ од ЛА Клиперс, Демијан Лилард од Портланд, Џа Морант од Мемфис и Домантас Сабонис од Сакраменто.
West 2023 All-Star reserves:
⭐️ Ja Morant
⭐️ Domantas Sabonis
⭐️ Shai Gilgeous-Alexander
⭐️ Paul George
⭐️ Damian Lillard
⭐️ Lauri Markkanen
⭐️ Jaren Jackson Jr. pic.twitter.com/5ndr1jNNIU— Bleacher Report (@BleacherReport) February 3, 2023
East 2023 All-Star reserves:
⭐ Joel Embiid
⭐ DeMar DeRozan
⭐ Jaylen Brown
⭐ Bam Adebayo
⭐️ Jrue Holiday
⭐ Julius Randle
⭐ Tyrese Haliburton pic.twitter.com/oNIZDfeAAo— Bleacher Report (@BleacherReport) February 3, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
