Доаѓањето на Жељко Обрадовиќ на тренерската функција во Партизан предизвика еуфорија меѓу „црно-белите“, особено откако српскиот гигант ангажираше неколку врвни засилувања како Пантер и Ледеј.
Сепак, белградскиот клуб не планира да застане овде, а следен на листата со желби на тренерот Обрадовиќ е американскиот бек Бредли Вонамејкер. Станува збор за врвен играч кого Обрадовиќ добро го познава бидејќи двајцата соработуваа во Фенербахче во сезоната 2017/18, предводејќи го тимот до двојна круна во Турција (Вонамејкер беше избран и за МВП на плејофот во домашното првенство).
Обрадовиќ планира да донесе уште еден беспрекорен стрелец покрај Пантер, а Вонамејкер дефинитивно е таков калибар на играч. Тој по Фенербахче се пресели во НБА-лигата во редовите на Бостон, по што ланската сезона ја мина во дресот на Голден Стејт и на Шарлот. Вонамејкер сериозно размислува за враќање назад во Европа, а Партизан предводен од Обрадовиќ делува како одлична опција за 31-годишниот Американец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
